Sunnfjord Utvikling AS kan no saman med Sognefjord Næringshage, Næringshagane i Nordfjord, og Kunnskapsparken, tilby reiselivsbedrifter å delta i «Næringshageprogram for Reiselivsbedrifter».
Næringshageprogrammet inneheld både rådgjeving, nettverksaktivitetar, og tilgang på kompetanse for å utvikle bedrifta. Gjennom programmet får bedrifta hjelp av ekstern rådgjevar til å gå gjennom verksemda og legge ein plan for vekst og utvikling som kan innehald ulike tiltak innan områda Forretningsutvikling, rådgjeving, kompetanseheving, planlegging av utviklingsaktivitetar, prosess og prosjektleiing. Bedriftene sjølv vel omfanget av programmet.

Invitasjon

Du kan lese meir her

Næringslivet i Sunnfjord treng arbeidskraft!

Vil du vere PROSJEKTLEIAR FOR REKRUTTERINGSFORUM SUNNFJORD?

Vår største utfordring i Sunnfjord i dag og i åra framover er tilgangen på nok folk med rett kompetanse.
Derfor har Sunnfjord Utvikling etablert Rekrutteringsforum Sunnfjord, eit tre-årig samarbeidsprosjekt som i startfasen består av 20 private og offentlege selskap. Gjennom eit breitt samarbeid skal prosjektet bidra til at lokale og regionale selskap sine behov for arbeidskraft vert tilfredstilt.

No skal vi rekruttere leiaren for prosjektet.

Vi treng ein sjølvstendig, strukturert og offensiv leiar med stort samfunnsengasjement. Du må vere sterk på kommunikasjon og nettverksbygging, vere handlekraftig og ha gode samarbeidsevner. Dette er ei nyoppretta stilling som vil krevje stor arbeidskapasitet.

Prosjektet er fullfinansiert i 3 år, men vår ambisjon er at dette blir forlenga.

Vil du vite meir om stillinga kan du ringe prosjektleiar Bente Hauge i Sunnfjord Utvikling
(95 26 13 59) eller dagleg leiar Rolf Sanne-Gundersen (97 05 52 08).
Prosjektplanen finn du på vår nettside sunnfjordutvikling.no

Vi tilbyr konkurransedyktig løn. Stillinga vil medføre reiseaktivitet.

Som prosjektleiar blir du tilsett i Sunnfjord Utvikling med kontorstad Peak Sunnfjord.
Sunnfjord Utvikling er nærings- og tiltaksapparatet til Sunnfjord kommune og næringslivet
i Førde, Gaular, Jølster og Naustdal. Føremålet vårt er å bidra til utvikling i Sunnfjord.

Søknadsfrist 10. september 2020.

Send ein kortfatta søknad med CV på e-post til bente.hauge@sunnfjord.no

Rekrutteringsforum Sunnfjord er klar til lansering i haust. Vi i Sunnfjord skal i fellesskap bli best på kanskje vår viktigaste arbeidsoppgåve framover, rekruttering av arbeidskraft. Det første vi no skal gjere er å tilsette ein rekrutterer i 100 prosent stilling. Stillinga vil bli lyst ut rett etter sommaren. Vedkommande vil bli tilsett i ein 3-årig prosjektstilling i Sunnfjord Utvikling med arbeidsstad Peak Sunnfjord i Førde.

Prosjektet har vi jobba lenge med og 20 ulike selskap har no sagt at dei vil vere med (sjå prosjektplan i lenke under). Veldig kjekt at Amedia/Firda også har sagt at dei blir med på satsinga. Dersom andre selskap har lyst til å bli ein del av Rekrutteringsforum Sunnfjord er det berre å ta kontakt med prosjektleiar Bente Hauge på epost bente.hauge@sunnfjord.no eller på tlf 952 61 359. Vi har fått spørsmål frå selskap i nabokommunane om det er mogeleg å vere med og svaret er ja.

Kvifor denne satsinga?, får vi ofte spørsmål om. Fordi fleire ulike selskap i ulike bransjar har ei stor felles utfordring i å rekruttere nye medarbeidarar til ledige stillingar. Vi er ikkje unike på dette området. Rekruttering av nye tilsette er ei utfordring i dei fleste kommunar og regionar i distrikta. Mykje har vore forsøkt for å lukkast med rekruttering og ein del tiltak har virka, andre har ikkje fungert. Vi trur ein rekrutterer på fulltid kan bidra til å løfte fokuset på rekruttering i Sunnfjord, samordne og koordinere kreftene i dei ulike selskapa, profesjonalisere oss på rekruttering og ikkje minst ha tett kontakt med andre som jobbar med same utfordringa, særleg Framtidsfylket. Den som blir tilsett må ha stor arbeidskapasitet, evne til å samarbeide, kunne skape entusiasme og jobbe systematisk. Vedkommande vil ikkje bli åleine. Vi i Sunnfjord Utvikling vil vere eit støtteapparat, og i tillegg har fleire av selskapa som er med i prosjektet profesjonelle HR-tilsette som vil utgjere eit arbeidsutval.

Vi er veldig glade for at vi har fått på plass den grunnfinansieringa som må til for å kunne tilsetje ein person i tre år. Stor takk til Vestland fylke for sitt bidrag, og ein særleg takk til Sparebanken Vest og Sparebanken Sogn og Fjordane /stiftinga som kvart år sett av midlar til viktige samfunnsprosjekt. Utan desse gåvemidlane hadde det vore vanskeleg å drive samfunnsutvikling i ein kommune som vår. Det er ikkje berre private selskap som treng finansiering, det treng også selskap som Sunnfjord Utvikling. Vår jobb er å finansiere opp prosjekt som kan løyse dei utfordringane vi har i kvardagen i lag med private aktørar, og rekruttering er som sagt kanskje vår største utfordring. Berre sidan 2016 har vi som selskap henta over 17 mill kroner frå næringsliv, bankar og i offentlege midlar til ulike prosjekt i vår kommune.

Heilt til slutt må vi nemne at vi ikkje har landa eit namn på prosjektet som fram til no heiter Rekrutteringsforum Sunnfjord. Rekrutteringsforum er ikkje det beste namnet fordi dette slett ikkje berre skal vere eit forum for utveksling av erfaringar og kunnskap. Vi har som klar målsetjing å hjelpe selskap med å finne dei rette folka uansett kvar dei bur i dag. Det krev konkret handling, og det krev langsiktig, systematisk og meir heilheitleg arbeid. Allereie no har vi fått konkrete innspel på kva vi bør gjere og korleis. Vi har til og med fått beskjed om kven vi skal få tak i kvar. Vi treng fleire innspel, og til vår glede er det allereie etablert eit HR-nettverk i Sunnfjord i kjølvatnet av prosjektet. Eit nettverk av tilsette som har HR som sitt arbeid i sine selskap.

Treng du meir informasjon om prosjektet er det berre å ta kontakt med oss i Sunnfjord Utvikling

 

Prosjektplan

Sjå artikkel i Firda om saka

 

Her er det nye styret saman med dagleg leiar i Sunnfjord Utvikling

Frå venstre: Olve Grotle, Sissel Bruland Gurvin, styreleiar John Helge Lunde, Jenny Følling, dagleg leiar Rolf Sanne-Gundersen, Helge Robert Midtbø, Gunn Merete Paulsen og Geir Opseth