Sunnfjord utvikling og Sunnfjord kommune i samarbeid med Førde vgs. inviterer til Landbrukskonferansen Sunnfjord på Thon hotell Jølster 16.mars.

Sunnfjord er den største jordbrukskommunen i Vestland målt i areal. Landbruket er ein viktig drivar for andre næringar, og det er ei viktig oppgåve å synleggjere den betydninga landbruket har i vår region, også for busetnad i bygdene.

Konferansen har som målsetnad å sette fokus på landbruket i regionen vår, inspirere til nytenking, utvikling og rekruttering. Vi ønskjer å legge til rette for nettverksbygging og bli betre kjend med moglegheitene innanfor tradisjonelt landbruk og tilleggsnæringar. Vi anbefaler at alle som har interesse for landbruk og ønskjer fagleg påfyll, møte likesinna og bli inspirert, tek turen til Jølster 16. mars.

Program Landbrukskonferansen

Vi har eit begrensa antall plassar til stand. Så til dei som ønskjer å ha stand på konferansen er det førstemann til mølla.

Billettar bestiller du her

Har du spørsmål om konferansen kan du kontakte Astrid Marie Vie på tlf. 997 25 143 eller astrid.marie.vie@sunnfjord.no

 

Lova og tilhøyrande forskrift som regulerar kompensasjonsordninga er vedteken, og søknadsportalen er opna.

PwC arrangerte eit webinar den 21. april der ordninga og førebuing til søknadsprosess vart grundig gjennomgått, med gode dømer.

Samanlikna med det som var kjent før ordninga vart godkjent, er det nokre endringar og tillegg, mellom anna knytt til berekninga av kompensasjonen.

Vi oppmodar alle om å sjå webinaret og førebu seg grundig, gjerne i samråd med styret, rekneskapsførar og/eller revisor, før ein sender inn søknad om kompensasjon.

Klikk her for å sjå webinaret

Klikk her for presentasjonen som vart gjennomgått

Klikk her for søknadsportalen for kontantstøtte til bedrifter

 

 

Er du ein gründer med ein god ide?

Kva avgjer om du vil lukkast med ideen din?

I samarbeid med Innovasjon Norge arrangerar vi og nokre av nabokommunane kurset «Frå ide til marknad»

Vegen frå ide til marknad startar med å la kundane avgjere om ideen din er god. På samlinga vil du lære korleis du kan gå fram for å teste og vidareutvikle ideen din, og korleis Innovasjon Norge kan hjelpe deg på vegen.

 

Samlinga vert gjennomført digitalt via Teams, påmelding på Innovasjon Norge sine nettsider: Klikk her

Endringar i samfunnet krev at helsesektoren i framtida må løyse oppgåver annleis enn i dag. Helse Førde har aukande fokus på nyskaping, og vil gjerne samhandle med næringslivet! Difor vert du no invitert til denne konferansen der vi med utgangspunkt i helsesektoren sine framtidige behov ønskjer å dele kunnskap om tverrfagleg innovasjonsarbeid, og på lang sikt bidra til lokal verdiskaping på tvers av offentleg og privat sektor.  

I lag med 5 medarrangørar inviterer Helse Førde no til Helseinnovasjonskonferansen 2019. På konferansen vil du bli presentert for gode døme på lokalt innovasjonsarbeid, samt få meir kunnskap om både utfordringar og mulegheiter. Ikkje minst får du høyre om arbeidet med Nye Førde Sjukehus.

Sjå heile programmet her: www.helseinnovasjonskonferansen.no.

Dato: 31. oktober

Stad: Scandic Sunnfjord Hotel & Spa

Påmelding:  Trykk her for påmelding

Pris: 775,- kroner (250,- for studentar)

Arrangementet på Facebook

Arrangørar: Helse Førde, Høgskulen på Vestlandet, NHO, Innovasjon Norge, Sunnfjord Utvikling og Kunnskapsparken Sogn og Fjordane

Sjå filminvitasjon frå Arve Varden, administrerande direktør i Helse Førde – klikk her.

Har du spørsmål om konferansen, så kontakt Gro Rukan: 913 21 392 / gro@kpsf.no

Vi håper å sjå deg på Helseinnovasjonskonferansen 2019!

18.09.19 kl. 12.00 – 15.00
Peak Sunnfjord, Hafstadvegen 23-25, Førde
Påmeldingsfrist: 2019-09-16 14.00
Kontakt: Jørgen Ulrik Berg
Gratis, men hugs å meld deg på slik at vi veit at du kjem!

Meld deg på her.

 

Vegen frå ide til marknad startar med å la kundane avgjere om ideen din er god. På samlinga vil du lære korleis du kan gå fram for å teste og vidareutvikle ideen din, og korleis Innovasjon Norge kan hjelpe deg på vegen.

Vi vil gå gjennom:

– Forretningsmodellering – korleis lage ei lettfatteleg skisse over verksemda di.
– Lean start-up – Korleis raskt teste og vidareutvikle idéen din for å maksimere sjansen for å lukkast.
– Tilskot til gründerar – Korleis søkje midlar frå Innovasjon Norge til å teste og vidareutvikle idéen din.

På samlinga vil du treffe andre gründerar som du kan inspirere og lære frå.

Dersom du ynskjer å setje deg inn i innhaldet for samlinga allereie no kan du lese meir på nettsidene under.

Det vil i etterkant av møtet vere tid til korte møter(speed dates).

Forretningsmodellering

Dette verktøyet kan brukast for å få eit enkelt overblikk over nokon sentrale element i forretningsidéen. Verktøyet er enkelt å bruke, det er visuelt og lettfatteleg, og vil hjelpe deg til å sjå moglegheiter for ulike forretningsmodellar som kan vere aktuelle med utgangspunkt i den forretningsidéen du har. Forretningsmodellen gjev svar på mange av de same spørsmåla som Innovasjon Norge, banken, potensielle investorer og eventuelt andre offentlege støttespelarar vil stille, når ein presenterer idéen sin.

LEAN Start-up (smidig oppstart)

Når du jobbar med utvikling av nye produkt og oppstart av ei bedrift, rår vi til at du legg opp til ein utviklingsprosess der du kan teste idéen din på aktuelle brukarar og samarbeidspartnarar, før ein gjer større investeringar, etter den såkalla Lean Start-Up metoden.

Det vil også vere nyttig å få ei oversikt over finansieringsbehovet, kostnadsomfanget og behov for ekstern kapital.

Tilskot til gründerar.

Har du ein forretningsidé som representerer noko vesentleg nytt i marknaden? Det kan vere innovasjon på regionalt, nasjonalt eller internasjonalt nivå. Innovasjon Norge kan gje etablerertilskot til deg som gjer noko andre ikkje har gjort før deg.

Nettverk og kompetanse

Lær om andre tilbod frå Innovasjon Norge som mange gründerar kan ha nytte av.

Under finn de presentasjonar frå toppmøte der ordførarkandidatane møtte næringslivet, fredag 29. Mars:

 

Maritim Forening og Sunnfjord Utvikling AS inviterer til leverandørtreff med Nordic Mining. Tema er Engebøprosjektet.

Meld deg på leverandørtreffet her

Nordic Mining er no i ein fase der dei søker leverandørar. Dei har mange ulike leveransebehov og det vil vere behov for fleire leverandørtreff grunna prosjektets størrelse. Første møte blir 20 november, med fokus på utstyrsleveransar.

Nordic Mining oppfordrar leverandørar til å tenke samarbeid. For å redusere tal grensesnitt, ønsker dei at ein eller fleire leverandørar i lag har ansvar for ein eller fleire pakkar.

Workshops: Det blir fem ulik workshops, ein for kvar pakke. Det er muleg å rullere mellom dei.

Agenda:

10.00 – 11.15: Presentasjon av Engebø prosjektet, Kenneth N. Angedal, Nordic Mining

11.15 – 12.00: Lunsj

12.00 – 14.00: Workshops

Workshops

Electrical

Process

Mechanical

Control and Instruementation

General

 

John Helge Lunde er ny styreleiar i Sunnfjord Utvikling AS. Lunde har dei siste åra vore styremedlem i selskapet, men vart på sist generalforsamling valt til ny styreleiar etter Mathias Råheim. Sistnemnte er no nestleiar i styret.

Lunde har ein brei bakgrunn frå næringslivet i Sunnfjord, i fylket og på landsplan. Han var mangeårig sjef og partnar for PwC i Sogn og Fjordane, er no styreleiar i Gravdalgruppa og har fleire andre styreverv.

Styret i Sunnfjord Utvikling AS i dag: John Helge Lunde (styreleiar), Mathias Råheim (nestleiar), Geir Opseth, Sissel Bruland Gurvin, Olve Grotle, Håkon Myrvang og Oddmund Klakegg.

Åshild Kjelstad Seljesæter har hatt sin siste arbeidsdag i Sunnfjord Utvikling AS. Frå 1. august 2018 er Åshild pensjonist. Men det betyr ikkje at ho har tenkt å kvile. Åshild har hatt og har eit stort engasjement for Sunnfjord, særleg Gaular. Derfor vil ho framleis ha ei rolle i bedriftsnettverket Gaularfjellet og andre saker ho er særleg oppteken av.

Åshild har jobba i Sunnfjord Utvikling frå selskapet vart skipa og heilt fram til i dag. Dei siste åra har arbeidsoppgåvene vore knytt til bedriftsutvikling, førstelinjeteneste for nyetablerarar og enkelte reiselivsprosjekt. Åshild legg ikkje skjul på at ho er gaularværing og er veldig oppteken av at kommunen skal utvikle seg vidare, skape nye arbeidsplassar og vere ein attraktiv kommune. Ho har eit brennande engasjement for Hestad kapell, Gaularfjellet og samarbeid mellom ulike bedrifter i same bransje.

-For oss er det eit tomrom at Åshild har slutta. Ho er den som har hatt historikken med seg og vore kontinuiteten i selskapet, seier dagleg leiar Rolf Sanne-Gundersen. Han legg til at Åshild har lagt ned ein stor arbeidsinnsats i selskapet i mange år.

Sunnfjord Utvikling AS har etter at Åshild vart pensjonist fire tilsette. Bente Hauge, Vidar Slettehaug, Bjørg Kjos-Wenjum og Rolf Sanne-Gundersen. Frå slutten av oktober er Julie Sotnakk Aaland tilbake frå permisjon.