Bastal i Førde har vakse stille og skapar store verdiar for Sunnfjord
No planlegg bedrifta ekspansjon mot Austlandet, der dei største kundane held til. Største fortrinnet er tilgang på kai, og Frode Kjøsnes i Bastal seier det rett ut:
“Ingen kai, ingen Bastal”.
Styreleiar og dagleg leiar i Sunnfjord utvikling var nyleg på besøk hos Bastal på Øyrane i Førde, ei bedrift mange i regionen neppe kjenner godt.
Bastal har vakse i det skjulte og bygd ei lønnsam industriverksemd med arbeidsplassar og kompetanse lokalt, patenterte produkt og eigen maskinutvikling. Dei har investert 25 millionar kroner i vidare industriell utvikling.
Frå problem til patentert teknologi
Bastal lagar prefabrikkert armering til betongkonstruksjonar. Bedriftsideen kjem med utgangspunkt i at: ferdig armering er dyr å transportere fordi ho tek så stor plass på lasteplanet, og det tek lang tid å montere armeringsjern på byggjeplassen. Bastal har løyst begge med produktet Smartfix. Smartfix er faktisk patenterte hengsler og låsar som gjer at armeringa kan pakkast flat for frakt og foldast ut på byggjeplassen.
Bastal lovar store gevinstar:
- Opptil 90 % færre arbeidstimar på byggjeplass
- Redukssjon på Ca. 74 tonn CO₂e berekna reduksjon i byggjefasen, referande Terravera.
- Opptil 80 % kortare montasjetid i pilotprosjekt, samanlikna med tradisjonelle metodar.
Bastal fekk Byggenæringens Innovasjonspris i 2025 og vann Drivprisen i september 2026.
Pilotfabrikk og 30 millionar kroner
Neste steg er ein pilotfabrikk i Førde, ei investering på 30 millionar kroner som etter planen er levert i juni 2027. Teknisk kapasitetspotensial er opptil 30 000 tonn, og målet er 20 000–25 000 tonn i året, nådd gradvis i takt med marknad, organisasjon og kompetanse. Fabrikken skal utvikle og teste produksjonsflyt, maskinar, robotisering og digitale system.
Kaia heilt avgjerande
Dei største kundane ligg på Austlandet, og Bastal planlegg ekspansjon dit. Utfordringane er logistikk og transport, men det største fortrinnet er tilgang på kai.
Utan kai blir bedrifta pressa til å flytte ut av Førde. Bastal er ein viktig del av industrimiljøet i Sunnfjord og er avhengig av å liggje ved kai. Skal regionen behalde ei bedrift som skaper arbeidsplassar, kompetanse og nyskaping, må kaia og industriarealet på Øyrane sikrast.
