Forsvar FOT-rutene!
Flyplasstilbodet ved Førde Lufthamn alvorleg truga. Det er dramatisk for næringsliv og arbeidsliv i Sunnfjord-regionen. Sunnfjord Utvikling, Høyanger Næringsutvikling og Nytta i Fjaler inviterer næringslivet til protestmøte på Bringeland måndag 11 mai. Det er svært viktig at nasjonale politikarar får kjenne på mostanden!
BAKGRUNN
Regjeringa har varsla at krava til setekapasitet på FOT-rutene i Sør-Noreg vert reduserte frå 2027.
Samstundes fell viktige tidskrav bort. Krav som i dag legg til rette for dagsreiser til Bergen og Oslo og sikrar
at flyet faktisk fungerer som eit arbeidsverktøy for næringslivet.
Dette skjer samstundes som passasjertala faktisk aukar. Å kutte i kapasitet og frekvens når etterspurnaden
går opp, er feil veg å gå. For oss i distrikta er flyet det same som toget er for austlendingen – og no vil
regjeringa skjere ned på sete og avgangstider som gjer kvardagen til folk og næringsliv mogleg.
Fylkesutvalet i Vestland har samrøystes oppmoda Stortinget om å tvinge regjeringa til å snu. No må
næringslivet og politikarane i regionen gjere felles front.
KVIFOR MÅ DU DELTA?
Færre sete og dårlegare avgangstider svekkjer arbeidsmarknaden og konkurransekrafta i heile regionen.
Næringslivet vårt er avhengig av effektive transportsamband. Vi har ikkje tog!
Utan tilstrekkeleg kapasitet og gode rutetider vert det vanskelegare å rekruttere arbeidskraft og bu i
distriktet.
Di stemme tel: At vi er samla sender eit tydeleg signal til nasjonale politikarar om kor sterk motstanden
er.
PROGRAM
17:00 Opning og velkomst
17:10 Kva tyder FOT-kutta for næringslivet i regionen?
17:30 Innlegg frå politikarar og næringslivsleiarar
17:50 Felles fråsegn og vegen vidare
18:00 Nettverking